Fréttir
Fjármálaeftirlitið staðfestir breyttar reglur fyrir Veltubréf
Fjármálaeftirlitið hefur staðfest breyttar reglur fyrir fjárfestingasjóðinn Landsbréf-Veltubréf. Reglubreytingin er gerð með hliðsjón af fækkun á fjárfestingarkostum á markaði með peningamarkaðsgerninga og með það að markmiði að auðvelda stýringu á lausafjáráhættu sjóðsins.
10. febrúar 2017
Fjármálaeftirlitið hefur staðfest breyttar reglur fyrir fjárfestingasjóðinn Landsbréf-Veltubréf. Reglubreytingin er gerð með hliðsjón af fækkun á fjárfestingarkostum á markaði með peningamarkaðsgerninga og með það að markmiði að auðvelda stýringu á lausafjáráhættu sjóðsins.
Breytingarnar felast í eftirtöldu:
- Rýmkaðar eru heimildir til fjárfestinga í skuldabréfum með ábyrgð ríkis, sveitarfélaga og fjármálafyrirtækja.
- Hámarkslíftími skuldabréfa og peningamarkaðsgerninga með ábyrgð ríkis hefur verið afnuminn, enda fari meðallíftími sjóðsins ekki yfir 180 daga.
- Í nýjum reglum sjóðsins er skerpt á þeim tegundum afleiðna sem sjóðnum er heimilt að fjárfesta í en heimildum sjóðsins til slíkra fjárfestinga hefur ekki verið breytt.
Hlutdeildarskírteinishöfum hefur verið sent bréf þar sem nánari grein er gerð fyrir breytingunum.
Nánari upplýsingar um reglubreytingarnar má nálgast hjá Verðbréfa- og lífeyrisráðgjöf Landsbankans í síma 410 4040 eða í gegnum netfangið fjarmalaradgjof@landsbankinn.is.
Þú gætir einnig haft áhuga á
19. maí 2023
Horn IV fjárfestir í REA sem starfar í flugtengdri þjónustu á Keflavíkurflugvelli
Horn IV slhf., sem er framtakssjóður í rekstri Landsbréfa hf., hefur samið um kaup á 45% hlut í REA ehf. sem á íslensku flugafgreiðslufyrirtækin Airport Associates og SouthAir. Með kaupunum verður Horn IV stærsti einstaki hluthafi félagsins. Fyrirtækin hafa í yfir 25 ár boðið upp á flugtengda þjónustu fyrir flugrekendur á Keflavíkurflugvelli og eru með samninga við mörg af þeim flugfélögum sem fljúga til og frá Keflavíkurflugvelli.
24. mars 2023
Hagnaður Landsbréfa 814 milljónir króna á árinu 2022
Landsbréf hf. hafa birt ársreikning fyrir árið 2022. Helstu niðurstöður voru þessar:
10. feb. 2023
Afsláttur við kaup í sjóðum í febrúar
Í febrúar er gefinn 100% afsláttur af gjaldi við kaup í sjóðum Landsbréfa ef keypt er í gegnum app eða netbanka Landsbankans. Afslátturinn gildir til og með 28. febrúar nk.
15. nóv. 2022
Framtakssjóðurinn Horn IV fjárfestir í Eðalfangi sem fyrirhugar mikinn vöxt á næstu árum
Framtakssjóðurinn Horn IV slhf. fjárfestir í Eðalfangi og verður með kaupunum stærsti einstaki hluthafi félagsins. Um er að ræða útgáfu nýs hlutafjár en jafnframt leggja núverandi hluthafar félaginu til nýtt fjármagn en heildarfjármögnun er 1.000 milljónir króna. Fjármagnið sem kemur inn í félagið verður nýtt til fjárfestinga í tækjabúnaði og sjálfvirknivæðingu sem mun nýtast félaginu við uppbyggingu og eflingar á vinnslu til framleiðslu á laxi með áherslu á útflutning og til að fylgja eftir og efla sölu- og markaðsstarf á alþjóðlegum mörkuðum.
24. ágúst 2022
Landsbréf skila góðum árangri á fyrri hluta ársins
Landsbréf hf. hafa birt árshlutareikning fyrir fyrri hluta ársins 2022.
25. mars 2022
Hagnaður Landsbréfa 1.410 milljónir á árinu 2021
Landsbréf hf. hafa birt ársreikning vegna reksturs ársins 2021.
7. mars 2022
Framtakssjóðurinn Horn IV fjárfestir í S4S
Framtakssjóðurinn Horn IV slhf. hefur gengið frá kaupum á hlut í fyrirtækinu S4S ehf. sem rekur verslanirnar Steinar Waage, Kaupfélagið, Ecco, Skechers og Toppskóinn, ásamt AIR verslununum og Ellingsen í Reykjavík og á Akureyri. Dótturfélag fyrirtækisins er S4S tæki ehf. sem rekur tækjasölu og verkstæði BRP Ellingsen. Velta samstæðunnar árið 2021 voru tæpir fimm milljarðar króna.
8. feb. 2022
Framtakssjóðurinn Horn IV fjárfestir í íslenska hugbúnaðarfyrirtækinu GoPro
Framtakssjóðurinn Horn IV slhf. hefur gengið frá kaupum á 35% hlut í hugbúnaðarfyrirtækinu GoPro ehf. Við kaupin voru annars vegar keyptir hlutir af núverandi hluthöfum og hins vegar var hlutafé félagsins hækkað og skrifaði Horn IV sig fyrir allri þeirri hækkun. Með kaupunum verður Horn IV stærsti einstaki hluthafi félagsins. Fjármagnið sem kemur inn í félagið mun nýtast félaginu við uppbyggingu, þ.m.t. uppbyggingu sölu- og markaðsstarfs á alþjóðlegum mörkuðum og fyrir nýjar lausnir félagins sem hafa verið í þróun undanfarin ár. Fyrirtækið hefur verið rekið með hagnaði og er eitt fárra fyrirtækja sem hefur verið á lista Creditinfo yfir fyrirmyndarfyrirtæki frá upphafi.
25. nóv. 2021
Nýr og betri vefur Landsbréfa
19. ágúst 2021
Árshlutauppgjör Landsbréfa 30. júní 2021
Landsbréf hf. hafa birt árshlutareikning fyrir fyrri hluta ársins 2021. Helstu niðurstöður voru þessar: