25. mars 2024
Landsbréf hf. hafa birt ársreikning vegna reksturs ársins 2023. Helstu niðurstöður eru þessar:
- Hagnaður af rekstri Landsbréfa nam 1.035 milljónum króna eftir skatta á árinu 2023, samanborið við 814 milljónir á árinu 2022.
- Hreinar rekstrartekjur námu 2.405 milljónum króna á árinu 2023, samanborið við 2.019 milljónir króna á árinu 2022.
- Eigið fé í árslok 2023 var 4.118 milljónir króna samanborið við 3.783 milljónir króna í árslok 2022.
- Í lok árs voru eignir í stýringu samtals um 472 milljarðar króna samanborið við 456 milljarða króna árið áður.
- Í lok árs voru 21 stöðugildi í Landsbréfum, en ársverkin voru 21,7.
Helgi Þór Arason, framkvæmdastjóri Landsbréfa:
„Árið 2023 var farsælt í rekstri Landsbréfa og sjóða þess, þrátt fyrir að mörgu leyti krefjandi aðstæður á mörkuðum og þá sérstaklega á innlendum hlutabréfamarkaði. Árið 2023 einkenndist af hárri verðbólgu og hækkandi vaxtastigi, sem endurspeglaði öðrum þræði mikinn kraft í íslenska hagkerfinu. Það voru og eru enn krefjandi tímar í hagstjórn hér á landi og mikilvægt að þeir sem völdin hafa taki ábyrg skref í átt að áframhaldandi hagsæld. Nýgerðir kjarasamningar, lækkandi verðbólga og væntingar um að vaxtalækkunarferli sé að hefjast styður þá skoðun mína að hægt sé að horfa björtum augum til framtíðar. Við hjá Landsbréfum tökum alvarlega það hlutverk að ávaxta sparifé landsmanna á ábyrgan hátt og erum þakklát fyrir það traust sem þúsundir sjóðafélaga hafa sýnt Landsbréfum.“
Þú gætir einnig haft áhuga á
5. jan. 2024
Nú er veittur 100% afsláttur af gjaldi við kaup í sjóðum Landsbréfa ef keypt er í gegnum app eða netbanka Landsbankans. Afslátturinn gildir til og með 15. febrúar nk.
22. ágúst 2023
Landsbréf hf. hafa birt árshlutareikning fyrir fyrri hluta ársins 2023.
19. maí 2023
Horn IV slhf., sem er framtakssjóður í rekstri Landsbréfa hf., hefur samið um kaup á 45% hlut í REA ehf. sem á íslensku flugafgreiðslufyrirtækin Airport Associates og SouthAir. Með kaupunum verður Horn IV stærsti einstaki hluthafi félagsins. Fyrirtækin hafa í yfir 25 ár boðið upp á flugtengda þjónustu fyrir flugrekendur á Keflavíkurflugvelli og eru með samninga við mörg af þeim flugfélögum sem fljúga til og frá Keflavíkurflugvelli.
24. mars 2023
Landsbréf hf. hafa birt ársreikning fyrir árið 2022. Helstu niðurstöður voru þessar:
10. feb. 2023
Í febrúar er gefinn 100% afsláttur af gjaldi við kaup í sjóðum Landsbréfa ef keypt er í gegnum app eða netbanka Landsbankans. Afslátturinn gildir til og með 28. febrúar nk.
15. nóv. 2022
Framtakssjóðurinn Horn IV slhf. fjárfestir í Eðalfangi og verður með kaupunum stærsti einstaki hluthafi félagsins. Um er að ræða útgáfu nýs hlutafjár en jafnframt leggja núverandi hluthafar félaginu til nýtt fjármagn en heildarfjármögnun er 1.000 milljónir króna. Fjármagnið sem kemur inn í félagið verður nýtt til fjárfestinga í tækjabúnaði og sjálfvirknivæðingu sem mun nýtast félaginu við uppbyggingu og eflingar á vinnslu til framleiðslu á laxi með áherslu á útflutning og til að fylgja eftir og efla sölu- og markaðsstarf á alþjóðlegum mörkuðum.
24. ágúst 2022
Landsbréf hf. hafa birt árshlutareikning fyrir fyrri hluta ársins 2022.
25. mars 2022
Landsbréf hf. hafa birt ársreikning vegna reksturs ársins 2021.
7. mars 2022
Framtakssjóðurinn Horn IV slhf. hefur gengið frá kaupum á hlut í fyrirtækinu S4S ehf. sem rekur verslanirnar Steinar Waage, Kaupfélagið, Ecco, Skechers og Toppskóinn, ásamt AIR verslununum og Ellingsen í Reykjavík og á Akureyri. Dótturfélag fyrirtækisins er S4S tæki ehf. sem rekur tækjasölu og verkstæði BRP Ellingsen. Velta samstæðunnar árið 2021 voru tæpir fimm milljarðar króna.
8. feb. 2022
Framtakssjóðurinn Horn IV slhf. hefur gengið frá kaupum á 35% hlut í hugbúnaðarfyrirtækinu GoPro ehf. Við kaupin voru annars vegar keyptir hlutir af núverandi hluthöfum og hins vegar var hlutafé félagsins hækkað og skrifaði Horn IV sig fyrir allri þeirri hækkun. Með kaupunum verður Horn IV stærsti einstaki hluthafi félagsins. Fjármagnið sem kemur inn í félagið mun nýtast félaginu við uppbyggingu, þ.m.t. uppbyggingu sölu- og markaðsstarfs á alþjóðlegum mörkuðum og fyrir nýjar lausnir félagins sem hafa verið í þróun undanfarin ár. Fyrirtækið hefur verið rekið með hagnaði og er eitt fárra fyrirtækja sem hefur verið á lista Creditinfo yfir fyrirmyndarfyrirtæki frá upphafi.