Sjóðir

Viðvarandi gjöld eru kostnaður sem dreginn er af eignum verðbréfasjóða og sérhæfðra sjóða fyrir almenna fjárfesta. Fjárhæð viðvarandi gjalda er byggð á þeim kostnaðarliðum sem sjóðirnir bera samkvæmt reglum þeirra og er þar meðal annars átt við umsýsluþóknun til rekstrarfélags, greiðsla til vörsluaðila og söluaðila fyrir þjónustu hans fyrir sjóði og kostnaður við sjálfbærnigreiningu á útgefendum í eignasafni sjóða. Einnig kostnaður vegna endurskoðunar og eftirlitsgjöld sem lögð eru á vegna sjóðsins. Tekið er tillit til viðvarandi gjalda undirliggjandi sjóða sem fjárfest hefur verið í.

Þegar keypt er í sjóði er fjárfestingin ekki háð verðbreytingu á einu stöku verðbréfi, heldur safni verðbréfa og fjármálagerninga sem eru í sjóðnum.  Þá er skattalegt hagræði af því að fjárfesta í sjóði þar sem ekki er greiddur fjármagnstekjuskattur af viðskiptum innan sjóðsins. Einungis er greiddur fjármagnstekjuskattur þegar fjárfestir selur eign sína í sjóði.

Það er einfaldast og hagkvæmast að kaupa í gegnum netbanka Landsbankans. Hægt er að kaupa í sjóði hvenær sem er eða skráð sig í mánaðarlega áskrift.

Upplýsingar um uppgjörstíma má finna á upplýsingablöðum sjóða á vefsíðu Landsbréfa.

Einnig er hægt að hringja í ráðgjafa Landsbankans í Verðbréfa- og lífeyrisþjónustu í síma 410 4040 eða koma við í næsta útibúi Landsbankans.

Hægt er að selja eign í sjóðum hvenær sem er og er einfaldast að selja í netbanka Landsbankans.

Upplýsingar um uppgjörstíma má finna á upplýsingablöðum sjóða á vefsíðu Landsbréfa.

Einnig er hægt að hringja í ráðgjafa Landsbankans í Verðbréfa- og lífeyrisþjónustu í síma 410 4040 eða koma við í næsta útibúi Landsbankans.

Lágmarksfjárhæð við kaup í sjóðum er 10.000 kr. Við skráningu í reglubundinn mánaðarlegan sparnað í sjóði þá er lágmarkið 5.000 kr. á mánuði.

Helsti munurinn á verðbréfasjóði og sérhæfðum sjóði fyrir almenna fjárfesta er að það eru rýmri fjárfestingarheimildir í sérhæfðum sjóðum fyrir almenna fjárfesta en í verðbréfasjóðum. Við kaup í sérhæfðum sjóði fyrir almenna fjárfesta þarf að veita upplýsingar um þekkingu og reynslu áður en kaupin fara fram.

Fjárfestingu í sjóðum fylgir ávallt áhætta þar sem gengi þeirra getur bæði hækkað og lækkað, t.d. vegna verðbreytinga á eignum sjóðanna og vegna gengisflökts gjaldmiðla þegar eignir sjóða eru í erlendum gjaldmiðlum.

Hægt er að skoða fjárfestingarheimildir hvers sjóðs í útboðslýsingu, upplýsingablaði og lykilupplýsingum sjóðsins á vefsíðu Landsbréfa.

Það þarf ekki að hafa sérþekkingu til að kaupa í verðbréfasjóði. Verðbréfasjóðir flokkast sem einfaldir fjármálagerningar og fjárfesting í þeim stendur öllum til boða.  

Það þarf að þekkja helstu áhættuþætti sérhæfðs sjóðs fyrir almenna fjárfesta áður en keypt er í slíkum sjóði, samkvæmt lögum. Helstu áhættuþætti hvers sjóðs má finna í útboðslýsingu, í lykilupplýsingum og á upplýsingablaði sjóðsins á vefsíðu Landsbréfa.

Einfaldasta leiðin til að spara reglulega í sjóðum er að skrá sig í mánaðarlega áskrift. Í mánaðarlegri áskrift er keypt fyrir ákveðna fjárhæð sem skuldfærð er mánaðarlega. Ekkert gjald er við kaup þegar um mánaðarlega áskrift er að ræða, auk þess sem afsláttur er veittur af afgreiðslugjaldi. Hægt er að stofna mánaðarlega áskrift í netbanka Landsbankans og ákveða fjárhæð.

Einnig er hægt að hringja í ráðgjafa Landsbankans í Verðbréfa- og lífeyrisþjónustu í síma 410 4040 eða koma við í næsta útibúi Landsbankans.

Áður en keypt er í sjóði þarf að samþykkja viðskiptaskilmála Landsbankans um þjónustu á sviði verðbréfaviðskipta. Það er auðveldast að gera það í netbanka Landsbankans en þar birtist samþykktarferli þegar valinn er verðbréfaflipa netbankans. 

Einnig er hægt að hringja í ráðgjafa Landsbankans í Verðbréfa- og lífeyrisþjónustu í síma 410 4040 eða koma við í næsta útibúi Landsbankans.

Gjald við kaup er viðskiptaþóknun sem greidd er til Landsbankans við kaup í sjóðum. Upplýsingar um gjald við kaup má finna á upplýsingablöðum sjóða á vefsíðu Landsbréfa.

Veittur er 25% afslátt af gjaldi við kaup þegar viðskiptin eru framkvæmd í netbanka Landsbankans og í mánaðarlegri áskrift er ekkert gjald við kaup.

Landsbréf fá greidda umsýsluþóknun fyrir að annast daglegan rekstur sjóðanna. Umsýsluþóknunin reiknast inn í gengi sjóðanna og er því ekki innheimt sérstaklega. Upplýsingar um umsýsluþóknun má finna í útboðslýsingu, í lykilupplýsingum og á upplýsingablöðum sjóða á vefsíðu Landsbréfa.

Sjóðaviðskipti eru gerð upp einum til þremur viðskiptadögum eftir að viðskipti hafa átt sér stað. Uppgjörstími sjóða er oftast tveir viðskiptadagar. Fyrir Veltubréf er uppgjörstíminn þó einn viðskiptadagur og í sumum erlendum hlutabréfasjóðum er hann þrír viðskiptadagar. Upplýsingar um uppgjörstíma má finna á upplýsingablöðum sjóða á vefsíðu Landsbréfa.

Skuldabréfasjóður fjárfestir aðallega í skuldabréfum útgefnum af aðilum sem fjármagna sig með útgáfu bréfanna og í innlánum hjá fjármálastofnunum. Þessir aðilar geta verið ríki, sveitarfélög og stofnanir, fjármálastofnanir og ýmis önnur fyrirtæki. Sjóðirnir kaupa skuldabréf á markaði samkvæmt fyrirfram kunngerðri fjárfestingarstefnu og innheimta af þeim afborganir og vexti. Virði sjóðanna á hverjum tíma ræðst einnig af verðbreytingum á bréfunum þegar þau ganga kaupum og sölum á markaði.

Viðskiptavinir sem eiga hlut í sjóði eiga hlutfallslega kröfu á þær eignir sem sjóðurinn á að frádregnum skuldbindingum sjóðsins. Þeir eiga því óbeint kröfu á íslenska ríkið, sveitarfélög, fjármálastofnanir og fyrirtæki í gegnum sjóðinn. Tilgangur sjóðanna er að ávaxta fé sjóðfélaga og dreifa áhættu með kaupum á fleiri en einum flokki verðbréfa og annarra fjármálagerninga.

Styrkur hvers sjóðs ræðst af undirliggjandi eignum hans, það er fjárhagslegum styrk útgefenda þeirra verðbréfa sem viðkomandi sjóður hefur fjárfest í og eftir atvikum þeim veðum sem einstakir útgefendur hafa lagt fram til tryggingar skuldum sínum.

Skuldabréfasjóðir Landsbréfa eru verðbréfasjóðir sem starfa samkvæmt lögum nr. 116/2021 um verðbréfasjóði eða sérhæfðir sjóðir fyrir almenna fjárfesta sem starfa samkvæmt lögum nr. 45/2020, um rekstraraðila sérhæfðra sjóða og lúta eftirliti Fjármálaeftirlits Seðlabanka Íslands. Þeir hafa hver um sig mismunandi fjárfestingarstefnu og meðallíftíma. Fjárfesting í skuldabréfasjóðum felur ætíð í sér áhættu.

Hlutabréfasjóðir fjárfesta aðallega í hlutabréfum einstakra fyrirtækja á markaði og í öðrum hlutabréfasjóðum ásamt öðrum fjármálagerningum. Tilgangurinn er að ávaxta fé sjóðfélaga með kaupum á fjármálagerningum útgefnum af mörgum aðilum og dreifa þannig áhættu. Fjárfestar geta keypt hlutdeildarskírteini í hlutabréfasjóði sem staðfestingu á eignarhlut sínum í sjóðnum og átt þannig hlutfallslega kröfu á þau hlutabréf og aðrar eignir sem sjóðurinn á að frádegnum skuldbindingum sjóðsins. Það má því segja að með kaupum í hlutabréfasjóði séu fjárfestar að kaupa hlut í mörgum félögum í gegnum sjóðinn.

Árangur og ávöxtun sjóðanna á hverjum tíma ræðst af arðgreiðslum og af verðbreytingum undirliggjandi eigna.

Hlutabréfasjóðir Landsbréfa eru verðbréfasjóðir sem starfa samkvæmt lögum nr. 116/2021 um verðbréfasjóði eða sérhæfðir sjóðir fyrir almenna fjárfesta sem starfa samkvæmt lögum nr. 45/2020, um rekstraraðila sérhæfðra sjóða og lúta eftirliti Fjármálaeftirlits Seðlabanka Íslands. Þeir hafa hver um sig mismunandi fjárfestingarstefnu. Fjárfesting í hlutabréfasjóðum felur ætíð í sér áhættu.

Blandaðir sjóðir fjárfesta aðallega í öðrum innlendum sem og erlendum sjóðum þar sem undirliggjandi eignir geta verið hvort heldur hlutabréf eða skuldabréf. Einnig er fjárfest í stökum skuldabréfum og hlutabréfum, innlendum sem erlendum, peningamarkaðsgerningum og innlánum hjá fjármálafyrirtækjum.

Tilgangurinn er að ávaxta fé sjóðfélaga og dreifa áhættu með kaupum á vel dreifðu og blönduðu eignasafni sjóða, fjármálagerninga og innlána. Fjárfestar geta keypt hlutdeildarskírteini sem staðfestingu á eignarhlut sínum í sjóðnum og átt þannig hlutfallslega kröfu á þær eignir sem sjóðurinn á að frádegnum skuldbindingum sjóðsins.

Blandaðir sjóðir Landsbréfa eru sérhæfðir sjóðir fyrir almenna fjárfesta sem starfa samkvæmt lögum nr. 45/2020, um rekstraraðila sérhæfðra sjóða og lúta eftirliti Fjármálaeftirlits Seðlabanka Íslands. Þeir hafa hver um sig mismunandi fjárfestingarstefnu. Fjárfesting í blönduðum sjóðum felur ætíð í sér áhættu.

Kauphallarsjóður (e. ETF, Exchange Traded Fund) er sjóður þar sem að minnsta kosti eitt hlutdeildarskírteini er í viðskiptum yfir daginn á að minnsta kosti einum viðskiptavettvangi og með að minnsta kosti einn viðskiptavaka. Viðskipti með kauphallarsjóði eiga sér stað með sama hætti og hlutabréf í gegnum verðbréfamiðlara eða netbanka.

Kauphallarsjóður Landsbréfa, Landsbréf – LEQ UCITS ETF, fjárfestir eingöngu í þeim íslensku hlutabréfum sem mynda vísitöluna OMXI10CAP sem kauphöllin á Íslandi, Nordic Iceland, reiknar, í sömu hlutföllum og hún er samsett á hverjum tíma. Viðskipti með sjóðinn er í kauphöllinni á Íslandi og er virk viðskiptavakt með hlutdeildarskírteinin.

Landsbréf – LEQ UCITS ETF er verðbréfasjóður og vísitölusjóður og starfar samkvæmt lögum nr. 116/2021 um verðbréfasjóði og lýtur eftirliti Fjármálaeftirlits Seðlabanka Íslands. Fjárfesting í kauphallarsjóðum felur ætíð í sér áhættu.

Fjárfestar geta keypt hlutdeildarskírteini í kauphallarsjóðnum sem staðfestingu á eignarhlut sínum í sjóðnum og átt þannig hlutfallslega kröfu á þau hlutabréf og aðrar eignir sem sjóðurinn á að frádegnum skuldbindingum sjóðsins.

Hagkvæmast er að kaupa og selja hlutdeildarskírteini í gegnum verðbréfamiðlun sem er aðili að íslensku kauphöllinni eða netbanka Landsbankans.