Ábyrgar fjárfestingar - Sjálfbærni
Ábyrgar fjárfestingar er samheiti yfir fjárfestingaraðferðir þar sem lögð er sérstök áhersla á að taka mið af umhverfismálum, félagslegum þáttum og stjórnarháttum (UFS-þáttum) fyrirtækja við fjárfestingarákvarðanir. Með því að leggja sérstaka áherslu á þessa þætti er stefnt að því markmiði að skila sjálfbærri ávöxtun til langs tíma en draga samhliða úr áhættu.
Landsbréf hafa sett sér sérstaka stefnu um ábyrgar fjárfestingar og á grundvelli hennar er aðferðafræði ábyrgra fjárfestinga hornsteinn í allri stýringu eigna á vegum Landsbréfa. Þá hafa Landsbréf sett sér stefnu um sjálfbærni í rekstri sjóða þar sem gerð er grein fyrir með hvaða hætti upplýsingagjöf um áhættu tengdri sjálfbærni er hagað og hvernig sjálfbærniáhætta er samþætt inn í fjárfestingaferli.
Sjóðstjórar Landsbréfa eru vottaðir í ábyrgum fjárfestingum frá PRI og er unnið út frá því sjónarmiði að aðferðafræði ábyrgra fjárfestinga skili bæði fjárfestum betri ávöxtun til lengdar og stuðli á sama tíma að betra samfélagi öllum til heilla.
Landsbréf eru aðili að Samtökum um ábyrgar fjárfestingar á Íslandi, IcelandSIF.
Lesa stefnu Landsbréfa um ábyrgar fjárfestingar
Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.