Fréttir

Árs­hluta­upp­gjör Lands­bréfa 30. júní 2021

Landsbréf hf. hafa birt árshlutareikning fyrir fyrri hluta ársins 2021. Helstu niðurstöður voru þessar:
19. ágúst 2021 - Landsbréf
  • Hagnaður af rekstri Landsbréfa var 602 milljónir króna á fyrri hluta ársins samanborið við 232 milljónir króna fyrir sama tímabil árið áður.
  • Hreinar rekstrartekjur námu 1.604 milljónum króna á fyrri hluta ársins samanborið við 844 milljón króna fyrir sama tímabil árið áður.
  • Eigið fé í lok tímabils var 5.161 milljónir króna samanborið við 5.058 milljónir króna í árslok 2020. Eiginfjárhlutfall Landsbréfa var 77,76% við lok tímabilsins.
  • Alls voru um 17 þúsund hlutdeildarskírteinishafar í sjóðum Landsbréfa og voru eignir í eigna- og sjóðastýringu samtals um 478 milljarðar króna í lok tímabils samanborið við 405 milljarða króna í upphafi árs.

Helgi Þór Arason, framkvæmdastjóri Landsbréfa:

Rekstur Landsbréfa gekk einstaklega vel á tímabilinu. Hagnaður félagsins eftir skatta nam 602 milljónum króna sem er mun betri rekstrarniðurstaða en á sama tímabili í fyrra. Það má segja að rekstrarumhverfi Landsbréfa hafi verið mjög hagfellt á tímabilinu og nokkrir þættir sem skýra betri rekstrarniðurstöðu en á sama tímabili í fyrra. Á fyrri hluta ársins voru kynntir til sögunnar nýir sjóðir sem hafa fengið góðar undirtektir á meðal fjárfesta. Aðrir sjóðir í rekstri hafa stækkað umtalsvert, bæði vegna fjölda nýrra viðskiptavina og góðrar ávöxtunar. Þá voru fjármagnstekjur af eignasafni félagsins góðar og árangurstengdar þóknanir vegna góðrar ávöxtunar sjóða voru umtalsverðar.

Góður árangur Landsbréfa og sjóða í rekstri félagsins er fagnaðarefni og endurspeglar vel það traust sem viðskiptavinir sýna Landsbréfum, hagkvæmar markaðsaðstæður og eins gildi eignadreifingar og virkrar stýringar þar sem aðferðarfræði ábyrgra og sjálfbærra fjárfestinga er höfð að leiðarljósi.

Undanfarin misseri hafa verið einstaklega lærdómsrík og almennt hafa sjóðir félagsins komið vel út í heimsfaraldri þrátt fyrir umtalsverðar sveiflur á mörkuðum og sögulega lágu vaxtaumhverfi. Fram undan má gera ráð fyrir hækkandi vöxtum innanlands og mögulega á öðrum mörkuðum sem eru mikilvægir Landsbréfum. Þetta kallar á nokkuð breytta hugsun við stýringu fjármuna og munu starfsmenn Landsbréfa hér eftir sem hingað til leggja allt kapp á að ávaxta það fé sem okkur er treyst fyrir með skynsamlegum og ábyrgum hætti.“

Nánari upplýsingar um árshlutareikning Landsbréfa veitir Helgi Þór Arason, framkvæmdastjóri Landsbréfa, í síma 410 2500.

Landsbréf - Árshlutareikningur fyrri árshelmings 2021 (PDF)

Þú gætir einnig haft áhuga á
Hafið
15. nóv. 2022

Framtakssjóðurinn Horn IV fjárfestir í Eðalfangi sem fyrirhugar mikinn vöxt á næstu árum

Framtakssjóðurinn Horn IV slhf. fjárfestir í Eðalfangi og verður með kaupunum stærsti einstaki hluthafi félagsins.  Um er að ræða  útgáfu nýs hlutafjár en jafnframt leggja núverandi hluthafar félaginu til nýtt fjármagn en heildarfjármögnun er 1.000 milljónir króna. Fjármagnið sem kemur inn í félagið verður nýtt til fjárfestinga í tækjabúnaði og sjálfvirknivæðingu sem mun nýtast félaginu við uppbyggingu og eflingar á vinnslu til framleiðslu á laxi með áherslu á útflutning og til að fylgja eftir og efla sölu- og markaðsstarf á alþjóðlegum mörkuðum. 
Landslagsmynd
24. ágúst 2022

Landsbréf skila góðum árangri á fyrri hluta ársins

Landsbréf hf. hafa birt árshlutareikning fyrir fyrri hluta ársins 2022.
Landslagsmynd
25. mars 2022

Hagnaður Landsbréfa 1.410 milljónir á árinu 2021

Landsbréf hf. hafa birt ársreikning vegna reksturs ársins 2021. 
New temp image
7. mars 2022

Framtakssjóðurinn Horn IV fjárfestir í S4S

Framtakssjóðurinn Horn IV slhf. hefur gengið frá kaupum á hlut í fyrirtækinu S4S ehf. sem rekur verslanirnar Steinar Waage, Kaupfélagið, Ecco, Skechers og Toppskóinn, ásamt AIR verslununum og Ellingsen í Reykjavík og á Akureyri. Dótturfélag fyrirtækisins er S4S tæki ehf. sem rekur tækjasölu og verkstæði BRP Ellingsen. Velta samstæðunnar árið 2021 voru tæpir fimm milljarðar króna.
New temp image
8. feb. 2022

Framtakssjóðurinn Horn IV fjárfestir í íslenska hugbúnaðarfyrirtækinu GoPro

Framtakssjóðurinn Horn IV slhf. hefur gengið frá kaupum á 35% hlut í hugbúnaðarfyrirtækinu GoPro ehf. Við kaupin voru annars vegar keyptir hlutir af núverandi hluthöfum og hins vegar var hlutafé félagsins hækkað og skrifaði Horn IV sig fyrir allri þeirri hækkun. Með kaupunum verður Horn IV stærsti einstaki hluthafi félagsins. Fjármagnið sem kemur inn í félagið mun nýtast félaginu við uppbyggingu, þ.m.t. uppbyggingu sölu- og markaðsstarfs á alþjóðlegum mörkuðum og fyrir nýjar lausnir félagins sem hafa verið í þróun undanfarin ár. Fyrirtækið hefur verið rekið með hagnaði og er eitt fárra fyrirtækja sem hefur verið á lista Creditinfo yfir fyrirmyndarfyrirtæki frá upphafi.
New temp image
2. júní 2021

Nýr fjárfestingarsjóður með sjálfbærni að leiðarljósi

Eignadreifing sjálfbær er nýr fjárfestingarsjóður Landsbréfa, dótturfélags Landsbankans. Markmið sjóðsins er að ná fram ávöxtun og dreifingu áhættu með sjálfbærni að leiðarljósi.
New temp image
24. mars 2021

Hagnaður Landsbréfa 768 milljónir á árinu 2020

Hagnaður af rekstri Landsbréfa nam 768 milljónum króna eftir skatta á árinu 2020. Hreinar rekstrartekjur námu 2.182 milljónum króna á árinu 2020 og eigið fé var 5.059 milljónir króna í árslok.
New temp image
3. mars 2021

Landsbréf og Brunnur Ventures GP hafa lokið fjármögnun á 8,3 milljarða vísisjóði

Landsbréf hafa í samstarfi við Brunnur Ventures GP lokið fjármögnun á 8,3 milljarða vísisjóði (e. venture capital fund) sem ber nafnið Brunnur vaxtarsjóður II slhf. Sjóðurinn er fjármagnaður af tíu lífeyrissjóðum og Landsbankanum. Landsbréf munu annast rekstur sjóðsins í samstarfi við ábyrgðaraðilann Brunn Ventures GP.
New temp image
27. ágúst 2020

Árshlutauppgjör Landsbréfa 30. júní 2020

Hagnaður af rekstri Landsbréfa nam á fyrri hluta ársins 232 milljónum króna samanborið við 301 milljón króna fyrir sama tímabil árið áður.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur